मतदार जनजागृतीसाठी जयेश शिवराज चौधरी यांचा पुढाकार; SIR प्रक्रियेसाठी नागरिकांना मोफत मार्गदर्शन
पिंपरी-चिंचवड: भारत निवडणूक आयोगाच्या विशेष मतदार यादी पुनरिक्षण (Special Intensive Revision – SIR) मोहिमेअंतर्गत नागरिकांना आवश्यक मार्गदर्शन व सहकार्य मिळावे या उद्देशाने वार्ड क्र. २१ चे भाजपा पदाधिकारी जयेश शिवराज चौधरी यांनी नागरिकांसाठी मोफत मदत व मार्गदर्शन केंद्र सुरू केले आहे.
या महत्त्वपूर्ण उपक्रमांतर्गत मतदार यादीत नाव शोधणे, मतदार नोंदणी व पडताळणी प्रक्रियेबाबत माहिती देणे, आवश्यक कागदपत्रांची माहिती उपलब्ध करून देणे तसेच संबंधित BLO (Booth Level Officer) यांच्याशी संपर्क साधून देणे यासाठी नागरिकांना विनामूल्य मदत केली जात आहे.
लोकशाही बळकटीकरणासाठी महत्त्वपूर्ण पाऊल अनेक नागरिकांना SIR प्रक्रियेबाबत पुरेशी माहिती नसल्याने किंवा विविध तांत्रिक अडचणी येत असल्याने त्यांना योग्य मार्गदर्शन मिळावे, मतदार म्हणून त्यांचे अधिकार अबाधित राहावेत आणि कोणत्याही पात्र मतदाराची गैरसोय होऊ नये या प्रामाणिक उद्देशाने हा उपक्रम राबविण्यात येत असल्याचे जयेश शिवराज चौधरी यांनी सांगितले.“प्रत्येक पात्र नागरिकाचे नाव मतदार यादीत असणे हा त्याचा हक्क आहे. तांत्रिक अडचणींमुळे कोणीही मतदानापासून वंचित राहू नये, यासाठीच आम्ही हा विनामूल्य उपक्रम सुरू केला आहे.”— जयेश शिवराज चौधरी, भाजपा पदाधिकारी (वार्ड क्र. २१)
येथे साधा संपर्क
:ज्या नागरिकांना मतदार यादी, SIR फॉर्म, नाव पडताळणी अथवा इतर निवडणूकविषयक बाबींमध्ये अडचणी येत असतील त्यांनी खालील पत्त्यावर संपर्क साधावा, असे आवाहन करण्यात आले आहे:पत्ता: PWD २५/११, अशोक थिएटर समोर, श्री. जयेश शिवराज चौधरी यांचे कार्यालय, पिंपरी-चिंचवड.सुविधा: संपूर्ण मार्गदर्शन मोफत आणि विनामूल्य.
या उपक्रमाचे परिसरातील नागरिकांकडून उत्स्फूर्त स्वागत होत असून, लोकशाही प्रक्रियेत सर्वसामान्यांचा सहभाग वाढविण्यासाठी हा उपक्रम अत्यंत उपयुक्त ठरत असल्याची प्रतिक्रिया नागरिकांनी व्यक्त केली आहे.
