हिप्परगा (रवा) येथील ग्रामस्थांचा एल्गार; गावात संपूर्ण दारूबंदीचा एकमुखी ठराव

लोहारा | प्रतिनिधी २५ :तालुक्यातील हिप्परगा (रवा) येथील ग्रामस्थांनी गावातील वाढत्या व्यसनाधीनतेला पायबंद घालण्यासाठी एक ऐतिहासिक पाऊल उचलले आहे. गावातील शांतता, सुव्यवस्था आणि तरुण पिढीचे भवितव्य सुरक्षित करण्यासाठी सर्व ग्रामस्थांनी एकत्र येत गावात संपूर्ण दारूबंदी करण्याचा ठराव एकमताने मंजूर केला आहे.प्रशासनाला दिले निवेदनेकेवळ ठराव करून न थांबता, हिप्परगा (रवा) येथील ग्रामस्थांनी संघटित होऊन प्रशासनाचे दरवाजे ठोठावले आहेत. आज ग्रामस्थांच्या एका मोठ्या शिष्टमंडळाने खालील कार्यालयांना भेटी देऊन आपल्या मागण्यांचे निवेदन सादर केले:

लोहारा पोलीस ठाणेतहसील कार्यालय, लोहाराजिल्हाधिकारी कार्यालय (कलेक्टर ऑफिस)पोलीस अधीक्षक कार्यालय (एस.पी. ऑफिस)काय आहेत मुख्य मागण्या?निवेदनात ग्रामस्थांनी स्पष्ट केले आहे की, गावातील अवैध दारू विक्रीमुळे कौटुंबिक कलह वाढले असून तरुणांचे आरोग्य धोक्यात आले आहे. त्यामुळे:

१. गावात होणारी अवैध दारू विक्री तातडीने बंद करण्यात यावी.

२. दारू विक्रेत्यांवर कडक कायदेशीर कारवाई करण्यात यावी.

३. भविष्यात गावात कोणत्याही प्रकारचे मद्यविक्रीचे दुकान किंवा परवाना दिला जाऊ नये.

“गावाच्या विकासासाठी आणि महिलांच्या सुरक्षिततेसाठी दारूबंदी होणे काळाची गरज होती. संपूर्ण गावाने एकत्र येऊन घेतलेला हा निर्णय हिप्परगा (रवा) गावाच्या परिवर्तनाची नांदी ठरेल,” अशी भावना ग्रामस्थांनी यावेळी व्यक्त केली.यावेळी गावातील प्रतिष्ठित नागरिक, तरुण मंडळी आणि मोठ्या संख्येने महिला उपस्थित होत्या. आता प्रशासन यावर काय आणि किती लवकर कारवाई करते, याकडे सर्वांचे लक्ष लागले आहे. सर्व कार्यालयत निवेदन देण्यासाठी हिप्परगा रवा गावचे पोलीस पाटील संजय नरगाळे विद्यमान उपसरपंच सुनील जाधव विद्यामान ग्रामपंचायत सदस्य विजय लोमटे विद्यामान ग्रामपंचायत सदस्य विनोद मोरे विद्यामान ग्रामपंचायत सदस्य रावण कांबळे व गावातील तरुण काही सामाजिक कार्यकर्ते दत्ता जाधव अच्युत जाधवमहेश जाधवबालाजी मुळेदत्तात्रय मुळेसतीश भोसलेनरसिंग पांगू जाधव हे सर्व ग्रामस्थ उपस्थित होते