टेलिग्राम ‘टास्क’ च्या नावाखाली कासारवाडीतील तरुणीला ६.४८ लाखांचा गंडा
३ प्रोफाईल धारकांवर गुन्हा
कासारवाडी (HR News मराठी ) दि.. २३ : घरबसल्या ऑनलाईन टास्क पूर्ण करून चांगला परतावा आणि बोनस देण्याचे खोटे आमिष दाखवून कासारवाडीतील एका २९ वर्षीय तरुणीची तब्बल ६ लाख ४८,७४३ रुपयांची ऑनलाईन फसवणूक करण्यात आली आहे. याप्रकरणी भोसरी सायबर पोलिसांनी टेलिग्रामवरील तीन संशयित प्रोफाईल धारकांवर गुन्हा दाखल केला आहे.
मुख्य मुद्दे
घटनेचे ठिकाण: धरातून भगीरथी कॉम्प्लेक्स, रेल्वे गेटजवळ, कासारवाडी, पुणे.आरोपी (टेलेग्राम प्रोफाईल्स): १) लक्ष्मी गुप्ता (@lakshmi99), २) अर्जुन सिंग (@Arjun_singh9999), ३) कस्टमर सपोर्ट (@customer_support9999). (आरोपी अटक नाही)
फिर्यादी: लवीना कुलदिप रावल (वय २९ वर्ष, धंदा-नोकरी, रा. कासारवाडी, पुणे).दाखल गुन्हे: दापोली पोलीस ठाण्यात भा.न्या.सं. ३१८(४), ३१६(२) आणि आयटी ॲक्ट ६६(क), ६६(ड) अन्वये गुन्हा दाखल.
सविस्तर वृत्त
१९ मे २०२६ ते २४ मे २०२६ दरम्यान हा प्रकार घडला. अज्ञात आरोपींनी वेगवेगळ्या टेलिग्राम अकाऊंटवरून फिर्यादी लवीना यांच्याशी संपर्क साधला. त्यांना काही ऑनलाईन टास्क देऊन ते पूर्ण केल्यास अकाऊंटला मोठी रक्कम व बोनस जमा होईल, असे खोटे आमिष दाखवले. लवीना यांचा विश्वास संपादन करून आरोपींनी त्यांना वेगवेगळ्या बँक खात्यांवर आणि युपीआय (UPI) आयडीवर एकूण ६,४८,७४३/- रुपये जमा करण्यास भाग पाडले.
त्यानंतर लवीना यांनी पैशांची मागणी केली असता, तुमचे खाते फ्रीज करण्यात आले असून ते अनफ्रीज करण्यासाठी आणखी पैसे भरावे लागतील, असे सांगण्यात आले. पैसे परत देण्यास नकार देत आरोपींनी लवीना यांचे कॉल्स उचलणे बंद केले व त्यांना फोनवर शिवीगाळ केली. पुढील तपास वपोनि कुंभार करत आहेत.
