भक्तांच्या मोठ्या उपस्थितीत धार्मिक कार्यक्रम; गावात भक्तिमय वातावरण
डोमगाव प्रतिनिधी , दि २६ : श्री राम मंदिर, डोमगाव येथे रामनवमीचा उत्सव मोठ्या उत्साहात आणि भक्तिमय वातावरणात साजरा करण्यात आला.या निमित्ताने मंदिरात सकाळपासूनच विविध धार्मिक कार्यक्रमांचे आयोजन करण्यात आले होते.
श्रीराम जन्मोत्सवानिमित्त अभिषेक, पूजा-अर्चा, कीर्तन तसेच भजन कार्यक्रम पार पडले. दुपारी ठरलेल्या वेळी श्रीराम जन्म सोहळा साजरा करण्यात आला, यावेळी “जय श्रीराम” च्या घोषणांनी परिसर दुमदुमून गेला.गावातील महिला, युवक तसेच ज्येष्ठ नागरिक मोठ्या संख्येने उपस्थित होते. अनेक भक्तांनी उपवास करून श्रीरामाचे दर्शन घेतले. मंदिर परिसर आकर्षक सजावटीने सजविण्यात आला होता.कार्यक्रमानंतर उपस्थित भक्तांना महाप्रसादाचे वाटप करण्यात आले.
संपूर्ण गावात भक्तीमय वातावरण निर्माण झाले होते.या उत्सवाच्या यशस्वी आयोजनासाठी मंदिर समिती व ग्रामस्थांनी विशेष परिश्रम घेतले.
