पिंपळे गुरवमधील ‘सृष्टी चौक’ वाहतूक कोंडीतून होणार मुक्त.
अरुण पवार यांच्या पाठपुराव्याला यश!
पिंपरी-चिंचवड प्रतिनिधी ३१ : पिंपळे गुरव परिसरातील अत्यंत वर्दळीचा आणि वाहतूक कोंडीसाठी चर्चेत असलेला सृष्टी चौक (Srushti Chowk) आता शिस्तबद्ध होणार आहे. या चौकात लवकरच वाहतूक सिग्नल यंत्रणा कार्यान्वित होणार असून, ‘मराठवाडा जनविकास संघा’चे संस्थापक अध्यक्ष अरुण पवार यांनी केलेल्या सातत्यपूर्ण पाठपुराव्याला मोठे यश आले आहे.
वाहतूक कोंडीचा प्रश्न सुटणारगेल्या अनेक महिन्यांपासून सृष्टी चौकात वाहनांची वर्दळ प्रचंड वाढली होती. सिग्नल नसल्यामुळे वाहनचालक नियमांचे उल्लंघन करत, ज्यामुळे रोज सकाळ-संध्याकाळ मोठी वाहतूक कोंडी होत असे. या परिस्थितीचा सर्वाधिक त्रास शालेय विद्यार्थी, नोकरदार वर्ग आणि ज्येष्ठ नागरिकांना सहन करावा लागत होता. तसेच, या ठिकाणी अपघातांचे प्रमाण वाढल्याने स्थानिक रहिवाशांमध्ये चिंतेचे वातावरण होते.
अरुण पवार यांचा पुढाकार आणि पाठपुरावानागरिकांची ही समस्या लक्षात घेऊन अरुण पवार यांनी प्रशासनाकडे या प्रश्नाचा सातत्याने पाठपुरावा केला. त्यांनी पिंपरी-चिंचवड पोलीस आयुक्तालयातील पोलीस उप-आयुक्त (वाहतूक शाखा) यांना लेखी निवेदन देऊन या ठिकाणी तातडीने कायमस्वरूपी ‘ट्रॅफिक सिग्नल’ बसवण्याची मागणी केली होती. वाढती लोकसंख्या आणि वाहनांची संख्या पाहता येथे सिग्नल असणे किती गरजेचे आहे, हे त्यांनी तांत्रिक मुद्द्यांसह प्रशासनासमोर मांडले.
प्रशासनाकडून हिरवा कंदीलअरुण पवार यांच्या पत्राची गांभीर्याने दखल घेत वाहतूक विभागाने या ठिकाणी सकारात्मक प्रतिसाद दिला असून सिग्नल बसवण्याची कार्यवाही सुरू करण्याचे आश्वासन दिले आहे. या निर्णयामुळे चौकातील वाहतुकीला शिस्त लागेल, प्रवाशांच्या वेळेची बचत होईल आणि अपघातांचा धोका कमी होईल.
“नागरिकांची सुरक्षितता आणि वेळेची बचत ही आमची प्राथमिकता आहे. सृष्टी चौकातील कोंडी सुटल्यामुळे पिंपळे गुरव परिसरातील रहिवाशांना मोठा दिलासा मिळेल. प्रशासनाने आमच्या मागणीची दखल घेतल्याबद्दल आम्ही त्यांचे आभार मानतो.”— अरुण पवार > (श्री छत्रपती शिवाजी महाराज वनश्री वृक्षमित्र राज्यस्तरीय पुरस्कार प्राप्त)
