बार्शीत पोलिसांची सर्वात मोठी ‘धडक’ कारवाई; स्पा सेंटरच्या नावाखाली सुरू असलेला हायप्रोफाइल जुगार अड्डा उद्ध्वस्त!
बार्शी तालुका पोलिसांची मध्यरात्री गुप्त माहितीच्या आधारे मोठी धाड!
तब्बल १२ लाख ३१ हजार रुपयांचा मुद्देमाल जप्त:मालक , मॅनेजरसह १० आरोपी जेरबंद!
बार्शी (विशेष प्रतिनिधी) दि.१० :सोलापूर जिल्ह्यात अवैध धंद्यांचे समूळ उच्चाटन करण्यासाठी जिल्हा पोलीस प्रमुखांनी सुरू केलेल्या धडक मोहिमेला बार्शीत मोठे यश आले आहे. बार्शी ते लातूर बायपास रोडवरील नागोबाचीवाडी हद्दीत असलेल्या ‘लक्झरी डिलक्स स्पा मसाज सेंटर’च्या आडून सुरू असलेल्या एका मोठ्या हायप्रोफाइल जुगार अड्ड्यावर बार्शी तालुका पोलिसांनी मध्यरात्री छापा टाकून एकूण १० आरोपींना रंगेहात अटक केली आहे. या कारवाईत रोख रक्कम, जुगार साहित्य आणि वाहनांसह तब्बल १२ लाख ३१ हजार १०० रुपयांचा मुद्देमाल जप्त करण्यात आला आहे.
गोपनीय बातमीदाराचा ‘तो’ फोन अन् पोलिसांची रणनीती!
सोलापूर जिल्ह्याचे पोलीस अधीक्षक यांनी जिल्ह्यातील अवैध जुगार, मटका, गुटखा आणि हातभट्टी दारू विक्रीविरुद्ध कडक कारवाई करण्याचे आदेश दिले आहेत. त्यानुसार बार्शी तालुका पोलीस ठाण्याचे पथक १० जून २०२६ च्या रात्री पेट्रोलिंग (रात्रगस्त) करत असताना, एका गोपनीय बातमीदाराने पोलिसांना खात्रीशीर माहिती दिली की, बायपास रोडवरील एका नामांकित स्पा मसाज सेंटरमध्ये मसाजच्या नावाखाली आतमध्ये मोठा जुगार अड्डा चालवला जात आहे.माहिती मिळताच पोलिसांनी कोणताही वेळ न घालवता संपूर्ण पथकासह ‘लक्झरी डिलक्स स्पा सेंटर’ला वेढा घातला आणि अचानक छापा टाकला.
‘तिरट’ जुगारावर पोलिसांचा घाला
वाहने आणि रोकड जप्तपोलीस पथकाने आत प्रवेश केला तेव्हा तिथे एकूण १० इसम पैशांची मोठी पैज लावून ‘तिरट’ नावाचा जुगार खेळत असताना रंगेहात सापडले. पोलिसांना पाहताच जुगारांच्या गोटात एकच खळबळ उडाली. घटनास्थळावरून पोलिसांनी:नगद रोकड रक्कमजुगाराचे साहित्यआरोपींची महागडी वाहने असा एकूण १२,३१,१०० रुपयांचा मुद्देमाल जागीच जप्त केला.
स्पा मालक आणि मॅनेजरवर गुन्हा दाखल
पोलीस तपासात समोर आले आहे की, सदरचा जुगार अड्डा आकाश काशिद आणि स्पा सेंटरचा मॅनेजर बाबु चौधरी हे दोघे संगनमताने चालवत होते. याप्रकरणी स्पा मालक, मॅनेजर आणि जुगार खेळणाऱ्या इतर सर्व इसमांविरुद्ध जुगार कायद्यान्वये बार्शी तालुका पोलीस ठाण्यात गुन्हा दाखल करण्यात आला असून पुढील कडक तपास सुरू आहे.
‘या ‘ सिंघम पथकाने केली धडक कामगिरी:
सदरची धडाकेबाज कामगिरी सोलापूर जिल्ह्याचे मा. पोलीस अधीक्षक श्री. अतुल कुलकर्णी, अपर पोलीस अधीक्षक श्री. विजय कबाडे आणि सह पोलीस अधीक्षक अंजना कृष्णा यांच्या थेट मार्गदर्शनाखाली खालील पथकाने केली:
श्री. महेश माने (प्रभारी अधिकारी तथा सहाय्यक पोलीस निरीक्षक), सोमनाथ खांडेकर (पोहेकॉ / १७५), सुरेश बिरकले (पोकॉ / १०२७), महंमदगौस महेदी (पोकॉ / १९८०), लक्ष्मण शेट्टलवाड (चापोकों / १
”तालुका पोलीस ठाण्याच्या हद्दीत कोणताही अवैध व्यवसाय खपवून घेतला जाणार नाही. सर्व अवैध धंदेवाल्यांवर यापुढेही अशीच ‘कडक’ कारवाई केली जाईल.” — बार्शी तालुका पोलीस प्रशासन
