पिंपरी चिंचवड शहरातील भाजप कार्यकारणी मधील अंतर्गत वाद चव्हाट्यावर, मतभेदांना वेगळे वळण

महिला सचिव तेजस्विनी कदम यांच्यावर हल्ला; अनुप मोरे, महेश लांडगे, सचिन काळभोर यांच्यातील वाद

वाढला कार्यकर्त्यांमध्ये असंतोष, शहराध्यक्ष शत्रुघ्न काटे यांच्यासमोर नवे आव्हानपिंपरी २९(HRNM)भारतीय जनता पार्टीच्या पिंपरी चिंचवड शहर कार्यकारिणीमध्ये अंतर्गत वादविवाद दिवसेंदिवस चव्हाट्यावर येत असून, पक्षातील मतभेदांनी आता उग्र वळण घेतले आहे. नुकत्याच घडलेल्या घटनेत भारतीय जनता पार्टीच्या प्रदेश महिला सचिव तेजस्विनी कदम यांच्यावर भारतीय जनता युवा मोर्चा प्रदेशाध्यक्ष अनुप मोरे यांच्या आदेशानुसार काही कार्यकर्त्यांनी चिंचवड पोलिस स्टेशन परिसरातच घुसून मारहाण, जीवे मारण्याची धमकी व गाडीची तोडफोड केल्याचा गंभीर आरोप करण्यात आला आहे. या प्रकरणी चिंचवड पोलिस ठाण्यात आठ ते दहा जणांवर गुन्हा दाखल करण्यात आला असून, या घटनेनंतर भाजप पिंपरी चिंचवड शहरातील अंतर्गत वाद पुन्हा एकदा चर्चेच्या केंद्रस्थानी आले आहेत.

जुने वाद अजूनही न सुटलेगेल्या काही दिवसांपासून भाजपच्या पिंपरी चिंचवड शहर कार्यकारिणीमध्ये भोसरी विधानसभा आमदार महेश लांडगे आणि भाजप चिटणीस सचिन काळभोर यांच्यात वाद सुरु असल्याची चर्चा होती. या वादात आता नवीन प्रकरण म्हणून तेजस्विनी कदम–अनुप मोरे यांचा संघर्ष उभा राहिल्याने पक्षातील मतभेद अधिकच गहिरे झाले आहेत.दरम्यान, भाजपचे ज्येष्ठ नेते महेश कुलकर्णी यांनी सोशल मीडियावर एक पोस्ट शेअर करून पक्षातील अंतर्गत वादाला नवीन वळण दिले. त्यांनी आपल्या पोस्टमध्ये “पक्षात अंतर्गत वादविवाद सुरू आहेत, ज्येष्ठ कार्यकर्त्यांना पुन्हा एकदा डावलले जाईल का?” असा प्रश्न उपस्थित करत पक्षातील असंतोषाला वाचा फोडली.

“४० वर्षांचे कार्य, पण तिकीट नाही” — कुलकर्णींचा संताप

महेश कुलकर्णी हे गेली ४० वर्षे भाजपच्या शहर आणि प्रदेश कार्यकारिणीत कार्यरत असून, त्यांना गेल्या तीन निवडणुकांपासून उमेदवारीपासून वंचित ठेवले गेले आहे. त्यामुळे त्यांचा रोष आता उघडपणे दिसू लागला आहे. नवीन कार्यकारिणीत अनेक जुन्या कार्यकर्त्यांना स्थान न मिळाल्याने कार्यकर्त्यांनी आत्महत्येच्या धमक्या देण्यापर्यंतची भूमिका घेतली होती, हेही गंभीर चित्र उभे राहिले.आरोप–प्रत्यारोपांचे राजकारण सुरूचपक्षातील तुषार हिंगे आणि सचिन काळभोर यांनी शहराध्यक्ष शत्रुघ्न काटे यांच्यावर “आमदार समर्थक कार्यकर्त्यांना नवीन कार्यकारिणीतून डावलले” असा आरोप केला होता. त्यामुळे शहराध्यक्षांवर दबाव वाढला असून, पक्षातील तणाव कमी करण्याचे मोठे आव्हान त्यांच्या समोर उभे आहे.निवडणुकीआधी वादविवादांची “स्पर्धा”आगामी निवडणुका अवघ्या एक ते दीड महिन्यांवर येऊन ठेपल्या असताना पक्षातील अशा अंतर्गत कलहामुळे स्थानिक नेतृत्व चिंतेत आहे. “भाजप पिंपरी चिंचवड शहर कार्यकारिणीत वादविवादांची स्पर्धाच सुरू आहे,” अशी व्यंगात्मक प्रतिक्रिया कार्यकर्त्यांकडून उमटत आहे.प्रदेश नेतृत्वाकडे सर्वांचे लक्षया संपूर्ण घडामोडीनंतर आता सर्वांचे लक्ष भारतीय जनता पार्टी प्रदेश नेतृत्वाकडे लागले आहे. पक्षातील वाढत्या मतभेदांवर प्रदेशाध्यक्ष काय भूमिका घेतात, आणि शिस्तभंग करणाऱ्यांवर काय कारवाई होते, हे येत्या काही दिवसांत स्पष्ट होईल.