भोसरीत घरगुती गॅसची बेकायदेशीर ‘रिफिलिंग’; ३४ हजारांचा मुद्देमाल जप्त

​भोसरी प्रतिनिधी दि. १३ : भोसरी येथील लांडगेनगर भागात मानवी जीविताला धोका निर्माण होईल अशा पद्धतीने घरगुती गॅस सिलिंडरमधून बेकायदेशीर रिफिलिंग करणाऱ्या एका आरोपीला पोलिसांनी पकडले आहे.​

कारवाईचा तपशील:

लांडगेनगरमधील ‘सद्गुरु भांड्याचे व गॅसचे दुकान’ येथे आरोपी सिद्धार्थ सूर्यकांत शेंडे (वय १८, रा. धावडेवस्ती, भोसरी) हा सुरक्षेची कोणतीही काळजी न घेता, मोठ्या कमर्शियल सिलिंडरमधून लहान सिलिंडरमध्ये गॅस ट्रान्सफर करत होता. भोसरी पोलीस ठाण्याचे पोलीस शिपाई राहुल डेरे यांनी याप्रकरणी फिर्याद दिली आहे. पोलिसांनी घटनास्थळावरून बेकायदेशीर गॅस टाक्या, ट्रान्सफर करण्याचे साहित्य असा एकूण ३४,५०० रुपयांचा माल जप्त केला आहे. जीवनावश्यक वस्तू कायद्यानुसार आरोपीला नोटीस देण्यात आली असून सहाय्यक पोलीस निरीक्षक टापरे पुढील तपास करत आहेत.