भोईजे येथे ग्रामदैवत श्री रामलिंग महादेव यात्रेनिमित्त पोलीस प्रशासन अलर्ट
एपीआय अक्षय सोनवणे साहेब यांनी देवस्थान कमिटीला दिल्या सूचना!
भोईजे (विशेष प्रतिनिधी) दि. २९ : येथील ग्रामदैवत श्री रामलिंग महादेव यात्रेच्या पार्श्वभूमीवर कायदा व सुव्यवस्था अबाधित राखण्यासाठी पोलीस प्रशासनाने कडक पावले उचलली आहेत. यात्रेच्या अनुषंगाने सहाय्यक पोलीस निरीक्षक (API) अक्षय सोनवणे साहेब यांनी स्वतः भेट देऊन देवस्थान कमिटी, ग्रामस्थ व यात्रा उत्सव मंडळाच्या पदाधिकाऱ्यांची संयुक्त बैठक घेतली. या बैठकीत यात्रोत्सवात कोणत्याही प्रकारचा अनुचित प्रकार घडू नये यासाठी कडक नियमावली आणि सुरक्षिततेच्या सूचना दिल्या.
यात्रेच्या काळात भाविकांची होणारी मोठी गर्दी लक्षात घेऊन वाहतूक कोंडी, महिलांची सुरक्षा, पार्किंग व्यवस्था आणि सीसीटीव्ही निगराणी यावर सविस्तर चर्चा करण्यात आली.
बैठकीतील महत्त्वाच्या सूचना व आदेश : शांतता व सलोखा: यात्रोत्सव काळात गावात कोणताही अनुचित प्रकार किंवा वादविवाद घडू नये; सामाजिक शांतता बिघडवणाऱ्यांवर थेट कायदेशीर कारवाई केली जाईल.ध्वनीप्रदूषण नियम: डीजे व ध्वनिक्षेपकांबाबत शासनाने ठरवून दिलेल्या वेळेचे व आवाजाच्या मर्यादेचे तंतोतंत पालन करणे बंधनकारक आहे.गर्दी नियंत्रण व आपत्कालीन व्यवस्था: भाविकांच्या सुरक्षिततेसाठी योग्य बॅरिकेडिंग, स्वयंसेवकांची नियुक्ती, पिण्याच्या पाण्याची सोय आणि प्रथमोपचार पथक सज्ज ठेवण्याचे आदेश.अफवांवर बंदी व चोख पोलीस बंदोबस्त: सोशल मीडियावरील दिशाभूल करणाऱ्या मेसेज किंवा अफवांवर विश्वास ठेवू नये. संशयास्पद हालचाली दिसल्यास तत्काळ पोलिसांशी संपर्क साधावा. यात्रा काळात चोख पोलीस बंदोबस्त तैनात राहणार आहे.
या बैठकीला देवस्थान ट्रस्टचे पदाधिकारी, ग्रामपंचायत सदस्य, विविध मंडळांचे कार्यकर्ते आणि ग्रामस्थ उपस्थित होते. यात्रा शांततेत व उत्साहात पार पाडण्यासाठी पोलीस प्रशासनाला पूर्ण सहकार्य करण्याचे आश्वासन देवस्थान कमिटी व ग्रामस्थांनी दिले.
