मावळच्या राजकारणातील ज्येष्ठ नेतृत्व हरपले
पुणे प्रतिनिधी दि. १४ : मावळ तालुक्याच्या तसेच पुणे जिल्ह्याच्या राजकीय पटलावर प्रदीर्घ काळ दबदबा निर्माण करणारे ज्येष्ठ नेते आणि माजी मंत्री मदन बाफना यांचे दुःखद निधन झाले. त्यांच्या निधनाचे वृत्त समजताच संपूर्ण मावळ परिसरासह पुणे जिल्ह्यातील राजकीय, सामाजिक व सहकार क्षेत्रात मोठी शोककळा पसरली आहे.
मदन बाफना यांनी मावळ विधानसभा मतदारसंघाचे प्रतिनिधीत्व करताना आमदार तसेच राज्य मंत्रिमंडळात मंत्री म्हणून उल्लेखनीय कार्य केले. मावळच्या ग्रामीण भागातील पायाभूत सुविधा, शेती, पाणी आणि सामान्य नागरिकांचे प्रश्न सोडवण्यासाठी त्यांनी कायम पुढाकार घेतला. सत्तेत असताना आणि विरोधी भूमिकेत असतानाही त्यांनी सर्वसामान्यांच्या हिताला प्राधान्य दिले.
जनसामान्यांशी घट्ट नाळ : सामान्य नागरिक, शेतकरी आणि तळागाळातील कार्यकर्त्यांशी त्यांचा थेट संवाद व जिव्हाळ्याचे संबंध होते. कार्यकर्त्यांच्या पाठीशी ठामपणे उभे राहणारे नेतृत्व म्हणून त्यांची ओळख होती.विकासाची दूरदृष्टी : मावळ परिसराच्या सर्वांगीण विकासासाठी त्यांनी सातत्याने पाठपुरावा केला. अनेक लोकोपयोगी योजना मार्गी लावण्यात त्यांचा मोलाचा वाटा राहिला.राजकीय समन्वय : पक्षातील ज्येष्ठ नेत्यांपासून ते तरुण कार्यकर्त्यांपर्यंत सर्वांना सोबत घेऊन जाणारे सर्वसमावेशक नेतृत्व अशी त्यांची ख्याती होती.
त्यांच्या निधनाने मावळच्या राजकारणातील एक अनुभवी, अभ्यासू आणि मार्गदर्शक नेतृत्व हरपल्याची भावना विविध पक्षांतील राजकीय नेत्यांनी व पदाधिकाऱ्यांनी व्यक्त केली आहे.
